Putin Ukraynadan təkcə Donbası deyil, “Novorossiya”nı da tələb edir
Moskva Ukraynadan güzəştləri yalnız Donbasla məhdudlaşdırmır, həm də “Novorossiya” adlanan tarixi bölgəyə iddia edir. Müsahibənin yayımlanan hissəsində Putin bu termini işlətməsə də, dövlət agentliyinin bir neçə materialında həmin anlayış xüsusi vurğulanıb.
Crossmedia.az Rusiya agentliyi TASS-a istinadən xəbər verir. Putin təsdiqləyib ki, ərazi məsələsi ABŞ-la danışıqlarda əsas ziddiyyət olaraq qalır: “Ya Ukrayna qoşunları bu əraziləri tərk edəcək, ya da biz onları silahlı yolla azad edəcəyik”, - Rusiya lideri bildirib.
Müzakirələrdən sonra Kreml sözçüsü Dmitri Peskov, söhbətin konkret hansı ərazilərdən getdiyini açıqlamaqdan yayınmışdı. Əgər TASS-ın təqdimatı düzgün interpretasiya olunursa, bu, Moskvanın tələblərinin genişləndiyini göstərir. Tarixi “Novorossiya” anlayışı Xarkov, Xerson, Nikolayev və Odessa bölgələrini əhatə edir.
Sevinc Yarməmmədova
16:42 04.12.2025
Oxunuş sayı: 1903
