Patriarx Kirill: "Rus hərbçilər "öldürmə" əmrinə zidd getmir
Rus Pravoslav Kilsəsinin rəhbəri Patriarx Kirill çıxışında bildirib ki, Rusiya hərbçilərinin fəaliyyəti “öldürmə” əmrinə zidd deyil. Onun sözlərinə görə, hərbçilər bu yolla “şərə qarşı mübarizə aparır və günahsız insanları qoruyurlar”.
Crossmedia.az xarici mediaya istinadən xəbər verir ki, Patriarx hərbi və mənəvi fədakarlıq bir-birindən ayrılmaz olduğunu qeyd edib. O, əmrlə bağlı iradlara cavab verərək deyib ki, insanların həyatını təhlükəyə atan, yaşlılara, uşaqlara və qadınlara təhdid yaradan “zülm” qarşısında hərəkətsizlik qəbuledilməzdir.
Kirillin sözlərinə görə, belə hallarda zülmə qarşı çıxmamaq “qətllərə yardım etmək” kimi qiymətləndirilə bilər.
Patriarx əlavə edib ki, “Vətəni müdafiə edən, zəif və müdafiəsiz insanların həyatını qoruyan hər bir hərbçi ilahi əmrlərə sadiqlik nümayiş etdirir”.
Nigar Yahyazadə
15:00 19.11.2025
Oxunuş sayı: 912
