Ukrayna hücumun nəticələrini açıqladı
Ukrayna Hərbi Hava Qüvvələri məlumat yayıb ki, gecə ərzində ölkə 524 hədəfə yönəlmiş hücuma məruz qalıb və onlardan 483-ü vurulub. Hücum nəticəsində 41 zərbə qeydə alınıb.
Crossmedia.az xarici mediaya istinadən xəbər verir ki, Hərbi Qüvvələrin məlumatına görə, 48 raketdən (onlardan biri ballistik raket) 41-i, 476 pilotsuz uçan aparatın isə 442-si məhv edilib. 7 raket və 34 döyüş PUA-nın zərbəsi 14 müxtəlif ərazidə qeydə alınıb, digər 6 yerdə isə vurulmuş hədəflərin qalıqları düşüb. Əsas zərbələr Lviv, Ternopil və Xarkov bölgələrinə endirilib.
Rusiya Müdafiə Nazirliyi bildirib ki, hücumun məqsədi Ukraynanın qərb bölgələrində yerləşən müdafiə-sənaye obyektləri, enerji infrastrukturu və döyüş PUA anbarları olub.
Nigar Yahyazadə
15:05 19.11.2025
Oxunuş sayı: 1093
