Azərbaycanın təyyarələri Zəngəzur üzərindən də uçmağa başlayıb
Ermənistanın Mülki Aviasiya Komitəsi "Azərbaycan Hava Yolları" (AZAL) şirkətinin bəzi təyyarələrinin uçuş marşrutlarının dəyişmə səbəbini izah edib.
Crossmedia.az xəbər verir ki , bu barədə "Sputnik Armeniya" özü məlumat yayıb.
Nəşr qeyd edib ki, adətən Bakıdan Naxçıvana və əks istiqamətə mülki reyslər Ermənistanın Dərələyəz və Göyçə vilayətləri üzərindən həyata keçirilir. Lakin son vaxtlarda bəzi reyslər bəzən Zəngəzur vilayətinin üzərindən də həyata keçirilir.
Ermənistanın Mülki Aviasiya Komitəsi nəşrə cavab olaraq bildirib ki, mülki təyyarələrin hava hərəkətinin təmin edilməsi beynəlxalq səviyyədə qəbul olunmuş standartlara və prosedurlara uyğun olaraq həyata keçirilir.
"Təyyarələrin marşrutunun dəyişdirilməsi (rerouting) əlverişsiz hava şəraiti, uçuş heyətlərinin tələbləri, təhlükəsizliyin təmin edilməsi məqsədilə minimum ayrılma tələbləri və müvəqqəti hava məkanı məhdudiyyətləri kimi bir sıra amillərlə bağlı ümumi və qəbul edilmiş təcrübədir", - deyə açıqlamada qeyd olunub.
11:35 15.07.2025
Oxunuş sayı: 825
