İran və BƏƏ arasında təhlükəsizlik əlaqələri müzakirə olunub
İranın Ali Milli Təhlükəsizlik Şurasının rəhbəri Əhmədian Birləşmiş Ərəb Əmirliklərindən olan həmkarı Təhnun bin Zayed Al-Nəhyan ilə telefon danışığı aparıb
Crossmedia.az xarici KİV-ə istinadən bildirir ki, regionda baş verən son hadisələr, eləcə də ikitərəfli münasibətlər müzakirə edilib. Al-Nəhyan bildirib ki, Fars körfəzinin təhlükəsizliyinin təmin edilməsi üçün regionun bütün ölkələrinin iştirakı lazımdır. “Bir ölkədə təhlükəsizliyin pozulması digər region ölkələri üçün də mənfi nəticələrə səbəb olacaq”,- deyə o, vurğulayıb.
Əhmədian öz növbəsində BƏƏ-yə dəstəyə görə təşəkkür edib və ABŞ və İsrailin İrana qarşı “aqressiv hərəkətlərini” önə çəkib.
22:05 13.07.2025
Oxunuş sayı: 8402
