Telegraph: Britaniyadakı İslam düşərgəsi İranın ideoloji təsirində ittiham olunur
Britaniyada fəaliyyət göstərən və İranla əlaqəli olmaqda ittiham olunan bir xeyriyyə təşkilatının keçirdiyi uşaq yay düşərgəsi ölkədə siyasi müzakirələrə səbəb olub.
Crossmedia.az bildirir ki , “The Telegraph” qəzetinin araşdırmasına görə, Hertfordşirdə yerləşən və Əhli-Beyt Fondu tərəfindən təşkil olunan bu düşərgə 9-14 yaş arası uşaqlar üçün nəzərdə tutulub.
Qəzet yazır ki, bəzi britaniyalı siyasətçilər düşərgənin ideoloji mahiyyətini tənqid edərək, uşaqların ekstremist baxışlara məruz qalmasından narahatlıqlarını ifadə ediblər. Araşdırmaya əsasən, düşərgədə qadın iştirakçılardan hicab taxmaq tələb olunur və yalnız namaz, mühazirə və qrup şəkli çəkilişi zamanı oğlanlarla bir yerdə olmağa icazə verilir.
Qeyd olunub ki, düşərgədəki bəzi fəaliyyət və qaydalar İranın dini-ideoloji yanaşmalarına uyğun qurulub və bu, İranın xaricdəki təsir dairəsi ilə bağlı narahatlıqları artırır.
15:26 13.07.2025
Oxunuş sayı: 8072
