Neft qiymətlərində kəskin dalğalanma!
ABŞ-ın həftəsonu İranın 2 nüvə obyektinə zərbə endirməsi neft qiymətlərinin kəskin artımına səbəb olub. Donald Trampın “Əgər İran danışıqlar masasına gəlməzsə, hücumlar davam edəcək” açıqlaması və İran parlamentinin Hörmüz Boğazını bağlama səlahiyyəti verməsi fonunda, neft qiymətləri təxminən 5% artıb.
Crossmedia.az xəbər verir ki, bu barədə "Haber Global" məlumat verib.
Həftəyə 80 dollara yaxın səviyyədən başlayan neft, ilkin olaraq 79,21 dollardan ticarətə başlayıb. Lakin İranın ABŞ-a cavab verib-verməyəcəyi və Hörmüz Boğazını gerçəkdən bağlayıb-bağlamayacağı hələ dəqiq deyil. ABŞ isə bu riskə qarşı Çini İrana qarşı dialoqa çağırıb.
Buna baxmayaraq, bazar iştirakçıları nəticədə diplomatiyaya qayıdılacağını və İranın öz maraqlarına zidd olaraq Hörmüz Boğazını bağlamayacağını düşünür. Çünki neft qiymətləri həftəyə yüksək səviyyədə başlasa da, sonra 76,32 dollara qədər geriləyib. Hal-hazırda isə qiymət 76 dollar civarında, 0,98% artımla ticarət olunur.
Analitiklər hesab edir ki, bu müharibə neft təchizatını əhəmiyyətli dərəcədə azalda bilməyəcək.
Neft qiymətləri iyun ayının əvvəlindən bu yana 22,58% artım göstərib.
Nigar Rəhimova
15:49 23.06.2025
Oxunuş sayı: 862
