Xarici xəbərlər
Türkiyənin cənub-qərb sahilində güclü zəlzələ olub
Türkiyənin cənub-qərb sahilində 5,8 maqnitudalı zəlzələ olub. Bu barədə ölkənin Təbii Fəlakət və Fövqəladə Halların İdarə Edilməsi Agentliyi məlumat yayıb.
Bildirilib ki, yeraltı təkanların episentri Muğla şəhərinin Marmaris rayonundan 10,43 km məsafədə – Aralıq dənizində qeydə alınıb. Yerli vaxtla 02:17-də (Bakı vaxtı ilə 03:17) qeydə alınmış zəlzələnin ocağı 67,91 km dərinlikdə yerləşib.
“TRT Haber” zəlzələnin Muğla şəhəri ilə yanaşı İzmir və Antalyada da hiss edildiyini bildirib.
Tələfat və dağıntı barədə məlumat daxil olmayıb. (report)
06:54 03.06.2025
Oxunuş sayı: 1203
