Yunanıstanda 20 min həkim ölkəni tərk edib
Yunanıstanda 2010-cu ildən bu yana dərinləşən iqtisadi böhran səbəbilə təxminən 20 min həkimin ölkəni tərk etdiyi bildirilib.
Crossmedia.az xəbər verir ki, Yunanıstan mediasında yer alan xəbərlərə görə, aşağı maaşlar, həddindən artıq iş yükü, kadr çatışmazlığı və iqtisadi qeyri-müəyyənlik səbəbilə bir çox həkim xaricdə işləməyi üstün tutur. Dövlət xəstəxanalarında çalışan gənc həkimlərin aylıq maaşlarının 1500 avronun altında olduğu və həftəlik 65 saatı aşan iş saatları ilə üzləşdikləri qeyd olunub.
Ölkədən köç edən həkimlərin böyük hissəsini 25-44 yaş aralığındakı gənc mütəxəssislər təşkil edir. Bu vəziyyətin səhiyyə xidmətlərinin keyfiyyətini aşağı salmaqla yanaşı, ölkənin istehsal qabiliyyətinə və demoqrafik strukturuna da mənfi təsir etdiyi vurğulanıb.
İngiltərə, Almaniya, Fransa, Cənubi Kipr Yunan Administrasiyası, Birləşmiş Ərəb Əmirlikləri və Səudiyyə Ərəbistanı, yunan həkimlərin ən çox üstünlük verdiyi ölkələr arasında göstərilib.
Mədinə Cəlilova
22:30 02.06.2025
Oxunuş sayı: 1329
