NATO-ya xəbərdarlıq edildi: Rusiya təcavüzə hazırlaşır!
NATO-ya üzv dövlətlər yaxın dörd il ərzində Rusiyanın mümkün hərbi təcavüzünə hazır vəziyyətdə olmalıdırlar.
Crossmedia.az xəbər verir ki, bunu Almaniya Silahlı Qüvvələrinin Baş Qərargah rəisi Karsten Breuer yerli mediaya açıqlamasında deyib.
Onun sözlərinə görə, Rusiya hərbi potensialını sürətlə artırır və bu, NATO üçün ciddi təhlükə yaradır:
“Rusiya hər il 1500-ə yaxın əsas döyüş tankı istehsal edir. 2024-cü ildə isə 4 milyon ədəd 152 mm-lik artilleriya mərmisi hazırlayıb. Bu, onların silahlanmaya xüsusi önəm verdiyini göstərir”.
General vurğulayıb ki, Alyans ölkələri təhlükəni nəzərə almalı və müdafiə qabiliyyətlərini qısa müddətdə gücləndirməlidirlər.
Aybəniz Səfərova
21:59 02.06.2025
Oxunuş sayı: 7201
