Nüvə danışıqları öncəsi jest – ABŞ İrana sanksiyaları dayandırdı
ABŞ administrasiyası İrana qarşı yeni sanksiyaların tətbiqini müvəqqəti olaraq dayandırıb.
Crossmedia.az xəbər verir ki, bu barədə “The Wall Street Journal” nəşri məlumat yayıb.
Qəzetin yazdığına görə, Ağ Evin mətbuat katibi Karolin Levit İrana qarşı yeni sanksiyaların dayandırılmasına dair sərəncamın verildiyini açıqlayıb. Bildirilib ki, bu qərar nüvə danışıqları fonunda mümkün sanksiya addımlarını dəyərləndirmək məqsədi daşıyır.
Məqalədə qeyd olunur ki, sabiq prezident Donald Trampın dövründə həyata keçirilən “maksimum təzyiq” siyasəti hazırda aktiv fazada deyil. Bununla belə, sanksiyalarla bağlı istənilən yeni qərar Ağ Ev və ya Tramp administrasiyasının müvafiq qurumları tərəfindən veriləcək.
Eyni zamanda, Qətər vasitəsilə həyata keçirilən neft satışı və Tehranın xaricdə dondurulmuş aktivlərinə dair mövcud məhdudiyyətlərin qüvvədə qalacağı vurğulanıb.
21:42 02.06.2025
Oxunuş sayı: 1180
