ABŞ nüvə silahına sahib Rusiyaya endirilən zərbələrdən narahatdır
ABŞ-nin müdafiə naziri Pit Heqset Ukraynanın Rusiyada bazar günü başlayan hücum əməliyyatının gedişi ilə bağlı mütəmadi hesabatlar alıb, lakin bu barədə Kiyev nümayəndələri ilə əlaqə saxlamayıb.
Crossmedia.az CNN-ə istinadən xəbər verir ki, mənbələrin bildirdiyinə görə, P. Heqseth Andrews Hərbi Hava Qüvvələri bazasına yola düşərkən əməliyyatla bağlı ilkin məlumatları əldə edib. ABŞ rəsmiləri qeyd ediblər ki, Vaşinqton Ukraynanın Rusiya ərazisinə hücum planlarından əvvəlcədən xəbərdar olmayıb.
Bundan əlavə, ABŞ-nin nüvə silahına malik bir ölkə olan Rusiya ərazisinə endirilən zərbələrin doğura biləcəyi mümkün nəticələrlə bağlı narahatlıq keçirdiyi qeyd olunur. Mənbələr bildiriblər ki, Vaşinqton bu cür hücumların presedent yarada biləcəyindən ehtiyat edir.
18:59 02.06.2025
Oxunuş sayı: 1375
