Putinin yaxın adamı Ərdoğandan danışdı: “O qədər qəribə addımlar atdı ki…”
Rusiya Prezidenti Vladimir Putinə yaxınlığı ilə tanınan rusiyalı siyasi analitik Aleksandr Dugin gündəmə dair maraqlı açıqlamalar verib. Belə ki, Suriya siyasətindən tutmuş, Türkiyədəki siyasi proseslərə qədər müxtəlif mövzularda danışan Dugin, “Ərdoğana qarşı böyük bir narazılıq var” ifadəsini işlədib.
Crossmedia.az xəbər verir ki, bu barədə "Halk Tv" məlumat yayıb.
Məlumata görə, Dugin bildirib ki, Rusiyanın Suriyadan çəkilməsi qərarı Ukrayna müharibəsi ilə bağlıdır. Onun sözlərinə görə, Qərbin məqsədi Rusiyanı zəiflətmək idi, lakin Putin iki cəbhədə eyni anda mübarizə aparmağın mümkünsüzlüyünü anlayaraq, Suriya cəbhəsini tərk edib: “Əgər Rusiya Suriyanı tərk etməsəydi, orada tammiqyaslı yeni bir müharibə başlayacaqdı. Ərdoğanın Suriya siyasətinin zamanlaması səhv idi"
Ərdoğanın Suriya ilə bağlı siyasətini tənqid edən Dugin, ABŞ və Qərbin kürd qruplarını dəstəklədiyini bildirib: “Türkiyəni Suriyada ciddi problemlər gözləyir. Məncə, Ərdoğanın El-Şara dəstəyi strateji səhv idi. Zamanlama çox önəmlidir”.
İstanbul Böyükşəhər Bələdiyyə Başçısı və prezidentliyə namizəd Əkrəm İmamoğlu, Zafer Partiyasının lideri Ümit Özdağ və bəzi siyasi həbslərlə bağlı suala cavab verən Dugin, Türkiyədə iki əsas amil üzərində dayandı: “Bəlkə də, yanılıram. Amma düşünürəm ki, bu etirazlarda iki əsas faktor var. Birincisi, Ərdoğana qarşı ciddi etirazlar var. O qədər qəribə addımlar atdı ki, artıq xalq arasında onun nüfuzu azaldı. Türk xalqı böyük xalqdır. Sadəcə "mən belə qərar verdim" demək yetərli deyil. İnsanlara niyə belə etdiyini izah etməlisən. Xalq gələcək görmür və deyir ki, Ərdoğanla bu qədər kifayətdir'. Əgər xalqa hörmət etməsən, xalq da sənə hörmət etməz”.
Fatimə Məmmədova
21:51 31.05.2025
Oxunuş sayı: 1487
