İlon Maskın 1 trilyon dollarlıq qənaət planı iflasa uğradı
ABŞ Hökumətinin Səmərəliliyi Departamentinə (DOGE) rəhbərlik edən İlon Mask qarşıya qoyulan maliyyə islahatları məqsədlərinə nail olunmaması səbəbilə vəzifəsindən istefa verib.
Crossmedia.az xəbər verir ki, bu barədə Politico nəşri məlumat yayıb.
Məlumata görə, Mask dövlət xərclərini 1 trilyon dollar azaltmaq kimi iddialı hədəfə çatmayıb. Onun rəhbərlik etdiyi DOGE təşəbbüsü federal qurumlarda islahatlar aparmaq və büdcə səmərəliliyini artırmaq məqsədi daşıyırdı. Lakin bu səylər gözlənilən sistemli nəticələr verməyib.
Politico yazır ki, Mask təşəbbüsün uğursuzluğunu “daxili müqavimət”lə izah edərək dəyişikliklərə qarşı daimi maneələrlə üzləşdiyini bildirib. Onun istefası, həmçinin ABŞ-da artmaqda olan borc və büdcə kəsiri böhranlarının fonunda baş verib.
Qeyd edək ki, İ.Maskın DOGE rəhbəri kimi fəaliyyəti administrasiya tərəfindən dövlət idarəçiliyində innovasiyaların tətbiqi və islahatların sürətləndirilməsi baxımından yüksək gözləntilərlə qarşılanmışdı. Lakin real nəticələrin zəif olması təşəbbüsün dayandırılmasına səbəb olub.
21:45 31.05.2025
Oxunuş sayı: 8297
