Almaniyada təyyarə evə çırpıldı: Ölənlər var
Almaniyanın Şimali Reyn-Vestfaliya əyalətinin Korşenbroyx şəhərində yüngülmotorlu təyyarənin yaşayış evinə çırpılması nəticəsində iki nəfər həyatını itirib.
Crossmedia.az “Bild” qəzetinə istinadən xəbər verir ki, Mönxenqladbax hava limanına enməyə çalışan təyyarənin pilotu uçuş zamanı mühərrikdə nasazlıq barədə məlumat versə də, qəzanın qarşısını almaq mümkün olmayıb.
Həlak olanlardan birinin 71 yaşlı qadın pilot olduğu bildirilir.
Hadisə nəticəsində evdə ciddi dağıntılar meydana gəlib. Ev sahibi faciə anında təyyarəni görərək qaçmağa nail olsa da, evdə olan digər qadın həyatını itirib.
Qəzanın dəqiq səbəbləri araşdırılır.
19:37 31.05.2025
Oxunuş sayı: 8532
