Rusiya hücumu gücləndirir: Ukraynaya məxsus silah anbarları məhv edilib
Rusiya Müdafiə Nazirliyi Ukraynanın şimal-şərqi və şərqində yerləşən iki yaşayış məntəqəsini nəzarətə götürdüklərini açıqlayıb.
Crossmedia.az xəbər verir ki, Nazirliyin məlumatına görə, Rusiya Silahlı Qüvvələri Sumı vilayətindəki Vodolaqi kəndi və Donetsk vilayətinin cənub-qərbində yerləşən Novopol qəsəbəsində irəliləyiş əldə edib.
Rəsmi Moskva cəbhə xəttində ümumi üstünlüyün davam etdiyini bildirir. Açıqlamada qeyd olunur ki, Sumı istiqamətində aparılan döyüş əməliyyatları zamanı Ukraynaya məxsus “İsgəndər” qısa mənzilli ballistik raket kompleksi, ABŞ istehsalı olan HIMARS reaktiv yaylım atəş sistemi və bir neçə sursat anbarı məhv edilib.
Rusiya həmçinin bildirib ki, son sutka ərzində hava hücumundan müdafiə sistemləri tərəfindən 169 Ukrayna pilotsuz uçuş aparatı (PUA) vurulub.
Aybəniz Səfərova
18:19 31.05.2025
Oxunuş sayı: 9619
