Qəzza Tribunalının yekun bəyanatı: İsrail beynəlxalq hüquq qarşısında cavab verməlidir
Bosniya və Herseqovinanın paytaxtı Sarayevoda keçirilən Qəzza Tribunalının sonunda Sarayevo Bəyannaməsi ictimaiyyətə təqdim olunub.
Crossmedia.az xarici KİV-ə istinadən xəbər verir ki, bəyanat mayın 26-da Beynəlxalq Sarayevo Universitetində keçirilən iclasların ardından Qəzza Tribunalı təşəbbüsünün üzvü, professor Penni Qrin tərəfindən səsləndirilib.
Sənəddə qeyd olunur ki, Fələstində davam edən soyqırım və digər insan hüquqları pozuntularına qarşı beynəlxalq ictimaiyyətin birgə fəaliyyət göstərməsi zəruridir.
Bəyannamədə deyilir:
"Biz İsraili törətdiyi soyqırım, onilliklərdir davam edən məskunlaşma müstəmləkəçiliyi, işgəncə və məhv siyasətinə görə qətiyyətlə qınayırıq".
Qəzza Tribunalının iştirakçıları bildiriblər ki, tribunal üzvləri Fələstin xalqına qarşı həyata keçirilən soyqırıma qarşı ümumi mənəvi mövqelərini bəyan ediblər və məsul şəxslərin ədalət qarşısında cavab verməsi üçün beynəlxalq səylərin birləşdirilməsinə çağırıblar.
Bəyanatda həmçinin vurğulanır ki, İsrail hökuməti uzun illərdir aparteid siyasəti, etnik təmizləmə, zorla köçürmələr, qeyri-qanuni məskunlaşmalar, kollektiv cəza tədbirləri və aclıqla müşayiət olunan sistemli məhvetmə siyasəti həyata keçirir ki, bu da beynəlxalq hüququn ciddi şəkildə pozulması deməkdir.
Aybəniz Səfərova
12:58 31.05.2025
Oxunuş sayı: 1881
