Xarici xəbərlər
Hakan Fidan Ukraynanın müdafiə naziri ilə görüşüb
Türkiyənin xarici işlər naziri Hakan Fidan Kiyevdə Ukraynanın müdafiə naziri Rustəm Umerovla görüşüb.
Crossmedia.az xəbər verir ki, görüşdə ikitərəfli münasibətlərin inkişaf perspektivləri, regional təhlükəsizlik məsələləri və Ukraynada davam edən müharibə ilə bağlı son vəziyyət müzakirə olunub.
Qeyd edək ki, Ukraynada səfərdə olan H.Fidan daha əvvəl bu ölkənin Prezidenti Volodimir Zelenski ilə görüşüb.
Səfər proqramı çərçivəsində H.Fidanın Ukraynanın Baş naziri Denis Şmıxal və Krım tatarları, eləcə də qaqauz türklərini təmsil edən icma nümayəndələri ilə görüşləri də nəzərdə tutulub.
18:21 30.05.2025
Oxunuş sayı: 1132
