Xarici xəbərlər
Rusiya əsgərləri Ukraynanın təklifini rədd edirlər
“The New York Times” qəzetinə danışan Rusiya əsgərləri Ukraynanın təklif etdiyi qeyd-şərtsiz atəşkəsi rədd etdiklərini bildiriblər.
Crossmedia.az xəbər verir ki, qəzetin məlumatına görə, Ukraynada döyüşən 11 rus əsgəri ilə cümə günü telefon vasitəsilə aparılan müsahibə zamanı onlar son üç ildə ilk birbaşa sülh danışıqlarına aparan diplomatik səylərə dərin şübhə ilə yanaşdıqlarını qeyd ediblər.
Rusiyalı hərbçilər bildiriblər ki, Rusiya qoşunları Ukraynanın iddia etdiyi, lakin Kremlin yalnız qismən nəzarət etdiyi dörd cənub və şərq vilayətinin – Donetsk, Xerson, Zaporojye və Luqanskın – tam olaraq ələ keçirilməsinə qədər döyüşləri davam etdirməlidir.
Donetsk vilayətində döyüşən səfərbər edilmiş rus əsgəri Sergey deyib: “Hamımız yorulmuşuq, evə qayıtmaq istəyirik. Ancaq biz bütün bölgələri ələ keçirmək istəyirik ki, gələcəkdə onlar üçün yenidən döyüşmək məcburiyyətində qalmayaq. Yoxsa oğlanların hamısı boş yerə öləcək”.
Onun sözlərinə görə, ən azı Donetsk, Xerson və Zaporojye vilayətlərinə tam nəzarət bərpa olunmalıdır.
05:43 18.05.2025
Oxunuş sayı: 9846
