"Bələdiyyə üzvləri qanunları pozurlar"
Bəzi bələdiyyə üzvləri vəzifələlərini yaxşı bilmədiklərindən qanunları pozurlar.
Bunu Milli Məclisin Regional məsələlər komitəsinin üzvü Tahir Rzayev qurumun bugünkü iclasında müzakirəyə çıxarılan "Bələdiyyələrin fəaliyyətinə inzibati nəzarəti həyata keçirən orqanın illik məruzəsi"nin müzakirəsi zamanı deyib.
Onun sözlərinə görə, bələdiyyələrin 77 vəzifəli şəxsinin məzuliyyətə cəlb olunması ciddi məsələdir:
"Bələdiyyələri vətəndaşlar yaradır, amma onların keçirdiyi tədbirlərdə, gördüyü işlərdə iştirak etmirlər. Ümumiyyətlə, Azərbaycanda bələdiyyə-vətəndaş münasibətlərində çox böyük problemlər var. Vətəndaşlar bələdiyyələrə heç bir dəstək göstərmirlər, nə maddi, nə təşkilati".
T.Rzayev bildirib ki, bəzi bələdiyyə üzvləri qanunları, öz səlahiyyətlərini və vəzifələrini yaxşı bilmirlər:
"Nəticədə qanundan kənara çıxır, səlahiyyətlərini aşırlar. Amma məruzədə belə yaxşı bələdiyyələrin adları çəkilmir. Halbuki bu, stimul üçün yaxşı olardı”. (Report)
11:38 10.02.2025
Oxunuş sayı: 7404
