Fələstin Qızıl Aypara Cəmiyyəti Qəzzada ilk hospitalını açıb
Fələstin Qızıl Aypara Cəmiyyəti (PRCS) Qəzza şəhərində ilk səhra hospitalını açıb.
Crossmedia.az xəbər verir ki, bu barədə təşkilatın sosial şəbəkə hesabında bildirilib.
“Fələstin Qızıl Aypara Cəmiyyətinin əməkdaşları Qəzza şəhərinin əl-Saraya rayonunda yerləşən yeni səhra hospitalında bütün hazırlıq işlərini başa çatdırıblar. Bu hospital şəhərdə əməliyyat, inkubasiya və rentgenoloji şöbələr də daxil olmaqla bir neçə tibb şöbəsinin, həmçinin reanimasiya, təcili yardım və qəbul şöbəsinin fəaliyyət göstərəcəyi ilk tibb müəssisəsi olub”, – PRCS-in məlumatında qeyd olunub.
Təşkilat həmçinin bildirib ki, yeni hospital Qəzza sakinləri ilə yanaşı, anklavın şimalında yerləşən “əl-Qüds” xəstəxanasının xəstələrini və personalını da qəbul edəcək.
08:34 10.02.2025
Oxunuş sayı: 3287
