Keçən il Azərbaycanda iki sahədə fəlsəfə doktoru elmi dərəcəsi alan olmayıb
Keçən il üzrə fəlsəfə doktoru elmi dərəcəsi ən çox qadın iddiaçılara verilib.
Bu barədə Crossmedia.az Prezident yanında Ali Attestasiya Komissiyasına istinadən xəbər verir.
Həmin müddət ərzində ən yüksək göstərici filologiya elmləri sahəsi üzrə qeydə alınıb. Belə ki, adıçəkilən sahə üzrə 69 qadın (12 kişi) iddiaçı fəlsəfə doktoru elmi dərəcəsi alıb.
Sonrakı yerlərdə tibb elmləri üzrə 34 qadın (6 kişi), iqtisad elmləri üzrə 28 qadın (27 kişi), biologiya elmləri üzrə 27 qadın (3 kişi), pedaqogika üzrə 25 qadın (1 kişi) qərarlaşıb.
Fəlsəfə doktoru elmi dərəcəsi üzrə astronomiya, antropologiya elmləri üzrə iddia qaldıran kimsə olmayıb.
07:36 13.01.2025
Oxunuş sayı: 12500
