Lukaşenko: Belarus müharibəyə hazırlaşır
Belarus Prezidenti Aleksandr Lukaşenko ölkəsinin beynəlxalq gərginliyin ən mənfi ssenarilərinə hazır olmalı olduğunu bildirib.
Crossmedia.az xəbər verir ki, bu barədə BELTA agentliyi Lukaşenkonun açıqlamasına istinadən məlumat yayıb.
Lukaşenko qeyd edib ki, mümkün ssenarilər hesablanıb və məlumdur. Bununla belə, onun sözlərinə görə, gərginliyin yeni mərhələyə keçməsinə yol vermək olmaz.
Belarus lideri Baltikyanı ölkələrin və Polşanın, xüsusilə hərbi sahədə, öz məqsədlərinə çatmaq üçün kifayət qədər gücə malik olmadığını iddia edib. O, müharibə şəraitində təkcə ordunun deyil, bütün dövlətin birliyinin və həmrəyliyinin vacibliyini vurğulayıb.
“Biz müharibədən yayınmaq üçün ona hazırlaşırıq. Heç kimə hücum etmək niyyətimiz yoxdur”, – deyə Lukaşenko bildirib.
O, həmçinin Qərb mediasında Rusiyanın Belarus ərazisindən istifadə edərək Baltikyanı ölkələrə və mümkün olaraq Polşaya hücum edə biləcəyi barədə yayılan məlumatları tənqid edib.
14:10 13.10.2026
Oxunuş sayı: 53
