Qətərə uçan təyyarədə sərnişin digər sərnişinləri silahla hədələdi
İki sərnişin Melburndan Dohaya uçan təyyarədə bələdçilərə və digər sərnişinlərə qarşı aqressiv davranıb.
Crossmedia.az xəbər verir ki, “9 News” bu barədə məlumat yayıb.
Hadisə sentyabrın 11-də “Qatar Airways” aviaşirkətinin Melburndan Dohaya həyata keçirdiyi reys zamanı baş verib. Şahidlərin sözlərinə görə, uçuşun təxminən altıncı saatında iki kişi aqressiv davranmağa başlayıb, əşyalarına tez-tez toxunub və digər sərnişinlərin şəxsi məkanına müdaxilə edib.
Mübahisə daha da gərginləşdikdən sonra kişilər bələdçilərlə əlbəyaxa olub və onlara tüpürüblər.
Aqressiv sərnişinləri zərərsizləşdirmək üçün altı nəfərin köməyinə ehtiyac yaranıb. Onlar bağlanaraq təyyarə yerə endikdən sonra hüquq-mühafizə əməkdaşlarına təhvil veriliblər.
Sərnişinlərin polis əməkdaşlarını alqışlarla qarşılaması da bildirilib.
16:13 14.09.2026
Oxunuş sayı: 45
