Pezeşkian: Ölkəni müdafiə etmək hər bir millətin haqqıdır
İran Prezidenti Məsud Pezeşkian ölkənin müdafiəsinin hər bir xalqın hüququ olduğunu bildirərək, Tehranın hərbi hücuma cavab olaraq özünü müdafiə etdiyini deyib.
Crossmedia.az xəbər verir ki, İran Prezidenti Məsud Pezeşkian bu barədə çıxışı zamanı məlumat yayıb.
Pezeşkian bildirib ki, İran ABŞ ilə diplomatik həll yolları axtardığı bir vaxtda hərbi hücuma məruz qalıb.
Onun sözlərinə görə, həmin dövrdə İranın ali rəhbəri, hərbi komandanları, rəsmiləri, alimləri, tələbələri və digər vətəndaşları həlak olub, ölkənin şəhərləri və infrastrukturu hədəfə alınıb.
İran Prezidenti vurğulayıb ki, müharibənin təşəbbüskarı Tehran olmayıb, lakin ölkə hücuma qarşı müqavimət göstərib.
“Ölkəni müdafiə etmək hər bir millətin haqqıdır. İran da bu hüquqdan istifadə edib”, – deyə Pezeşkian bildirib.
O, həmçinin müsəlman ölkələri arasında qarşıdurmaya yol verilməməli olduğunu vurğulayıb.
“Heç bir müsəlman ölkəsi başqa bir İslam torpağına qarşı təcavüz platformasına çevrilməməlidir və heç bir İslam ölkəsi qonşusunun hesabına öz təhlükəsizliyini təmin etməməlidir”, – İran Prezidenti qeyd edib.
14:56 27.08.2026
Oxunuş sayı: 55
