Tramp İran-ABŞ memorandumunu kapitulyasiya kimi dəyərləndirib
ABŞ Prezidenti Donald Tramp hesab edir ki, İranın ABŞ ilə memorandum imzalaması faktiki olaraq kapitulyasiya deməkdir.
Crossmedia.az xəbər verir ki, bu barədə Tramp "Axios" portalına müsahibəsində danışıb.
O bildirib ki, belə bir sənədin imzalanması İranın geri addım atdığını və Vaşinqtonun irəli sürdüyü şərtləri qəbul etdiyini göstərir.
Trampın sözlərinə görə, əgər memorandum imzalanarsa, bu, İran üçün siyasi baxımdan kapitulyasiya kimi qiymətləndirilə bilər. O əlavə edib ki, Tehran uzun müddət müqavimət göstərsə də, sonda ABŞ-ın mövqeyini nəzərə almağa məcbur olub.
Qeyd edək ki, ABŞ və İran arasında mümkün razılaşma ilə bağlı son günlər müxtəlif məlumatlar yayılır. Lakin tərəflər arasında memorandumun imzalanacağı tarix və şərtlər barədə hələlik rəsmi açıqlama verilməyib.
06:51 19.06.2026
Oxunuş sayı: 47
