Politoloq: Avropa Cənubi Qafqaz ölkələrinin gözləntilərini doğrultmayıb
Politoloq Artur Atayev bildirib ki, vaxtilə Avropa İttifaqına inteqrasiya kursu götürən Gürcüstan gözlədiyi iqtisadi nəticələri əldə edə bilməyib və Avropa bazarına çıxış imkanları məhdud qalıb.
Crossmedia.az bu barədə "Sputnik Armenia" istinadən xəbər verir.
O, Sputnik Ermənistana müsahibəsində xatırladıb ki, mərhum Azərbaycan Prezidenti Heydər Əliyev dövründə də Azərbaycan Avropa İttifaqı(Aİ) ilə yaxınlaşmağa çalışıb. Atayevin fikrincə, Avropa həm coğrafi, həm də mental baxımdan Cənubi Qafqaz regionundan uzaqdır.
Politoloq hesab edir ki, hazırda Ermənistan vaxtilə Azərbaycanın və Gürcüstanın keçdiyi yolla irəliləyir. Onun sözlərinə görə, Avropa ölkələrə böyük ümidlər versə də, bu gözləntilər həmişə reallaşmır.
Atayev həmçinin Ukrayna və Moldovanın iqtisadi vəziyyətini misal göstərərək, bu ölkələrin iqtisadi müstəqilliyinin zəiflədiyini və xarici strukturlardan daha çox asılı hala gəldiyini iddia edib.
23:45 17.06.2026
Oxunuş sayı: 42
