Xarici xəbərlər

Aİ səfiri Ukraynanın üzvlüyü üçün tarix açıqladı

Avropa İttifaqının (Aİ) Ukraynadakı səfiri Katarina Maternova Ukraynanın Aİ-yə qoşulması üçün 2030-cu ili məqbul və real tarix kimi qiymətləndirib.

Crossmedia.az xarici mediaya istinadən xəbər verir ki, səfir bildirib ki, üzvlük danışıqlarının növbəti mərhələsi olan danışıqlar klasterlərinin açılması bir sıra islahatlar tələb etsə də, Ukrayna artıq bu prosesə hazırdır.

Onun sözlərinə görə, bundan sonra əsas məsələ danışıqların nə qədər sürətlə yekunlaşacağıdır. Maternova vurğulayıb ki, bu, ilk növbədə Ukraynanın həyata keçirməli olduğu qanunvericilik dəyişiklikləri və digər mühüm islahatlardan asılı olacaq.

Səfir, həmçinin qeyd edib ki, Aİ-yə üzvlük yolu texniki və siyasi baxımdan mürəkkəb prosesdir, lakin Ukraynanın bu istiqamətdə irəliləyiş əldə etmək üçün kifayət qədər hazırlığı var.

🖨 Çap et

10:57 17.06.2026

Oxunuş sayı: 242