Hörmuz boğazında tam gəmiçiliyin bərpası bir aya qədər çəkə bilər
ABŞ və İran arasında əldə olunan razılaşmadan sonra Hörmuz boğazında tammiqyaslı gəmiçiliyin bərpası bir neçə həftədən bir aya qədər vaxt apara bilər.
Crossmedia.az xəbər verir ki, bu barədə TASS məlumat yayıb.
Məlumata görə, bu barədə dünyanın ən böyük tanker donanması operatoru olan Mitsui O.S.K. Lines şirkətinin rəhbəri Dzetaro Tamura "Financial Times" qəzetinə müsahibəsində bildirib.
Tamuranın sözlərinə görə, gəmiçilik şirkətləri adi fəaliyyət rejiminə dərhal qayıtmağa tələsmirlər. Onlar əldə olunmuş razılaşmaların boğazdan təhlükəsiz keçidi həqiqətən təmin etdiyinə əmin olmaq üçün əlavə vaxt gözləyəcəklər.
“Bunun üçün ən azı bir neçə həftə, hətta bir ay tələb oluna bilər”, – deyə şirkət rəhbəri qeyd edib.
"Financial Times"ın məlumatına görə, hazırda Ormuz boğazı ətrafında təhlükəsiz keçid gözləyən yüzlərlə gəmi qalmaqdadır.
Daha əvvəl ABŞ, İran və vasitəçi qismində çıxış edən Pakistan rəsmiləri Vaşinqtonla Tehran arasında razılaşmanın əldə olunduğunu təsdiqləmişdilər. Sənədin iyunun 19-da Cenevrə şəhərində imzalanması planlaşdırılır.
İran xarici işlər nazirinin müavini Kazem Qaribabadi bildirib ki, 60 günlük atəşkəs dövründə tərəflər Tehranın nüvə proqramı da daxil olmaqla bir sıra məsələləri müzakirə edəcəklər. Razılaşmaya əsasən, iyunun 15-dən etibarən ABŞ tərəfindən İrana tətbiq olunan dəniz blokadasına son qoyulur və bütün cəbhələrdə, o cümlədən Livan ərazisində hərbi əməliyyatlar dərhal və daimi olaraq dayandırılır.
13:32 16.06.2026
Oxunuş sayı: 58
