Ermənistanda konstitusiya dəyişiklikləri ətrafında yeni iddia
Ermənistanda hakim “Mülki Müqavilə” partiyasının parlamentdə 2/3 çoxluğu əldə etmək üçün müxalifət deputatlarını şirnikləndirmə metodlarına müraciət edə biləcəyi iddia olunur.
Crossmedia.az "Sputnik Armenia"-ya istinadən xəbər verir ki, bu barədə politoloq Akop Badalyan müsahibəsində bildirib.
Onun sözlərinə görə, Milli Assambleyada bu cür praktika əvvəlki çağırışlardan bəri mövcuddur və hakim partiyanın konstitusiya çoxluğuna nail olmaq üçün müxtəlif təzyiq üsullarından istifadə etməsi istisna edilmir.
Badalyan qeyd edib ki, konstitusiya referendumunun keçirilməsi və Azərbaycanın israr etdiyi Əsas Qanunun dəyişdirilməsi üçün hakimiyyətə geniş çoxluq lazımdır.
O, həmçinin Mərkəzi Seçki Komissiyasının nəticələri yekunlaşdırdığı gün Ermənistan-Azərbaycan prosesləri fonunda Azərbaycan prezidentinin köməkçisinin İrəvana səfərini də diqqətəlayiq hadisə kimi dəyərləndirib. Paralel çox əhəmiyyətli görünür, ən azından o səbəbdən ki, Paşinyan seçki kampaniyası zamanı konstitusiya çoxluğu əldə etməyəcəyi təqdirdə ictimaiyyəti müharibə ilə hədələmişdi.
12:08 16.06.2026
Oxunuş sayı: 59
