Avropa Parlamentinin almaniyalı üzvü Hanna Nyuman İranla bağlı Avropa Birliyinin mövqeyini sərt tənqid edib.
Crossmedia.az bu barədə xarici mediaya istinadən xəbər verir.
Deputat Avropa Parlamentində çıxışı zamanı Aİ-nin Xarici Əlaqələr Xidmətinin İrana qarşı nümayiş etdirdiyi yumşaq yanaşmanı “səhv və məyusedici” adlandırıb. Nyuman bildirib ki, Avropa Birliyi rəsmiləri uzun illərdir nüvə proqramı ilə bağlı danışıqların davam etdirilməsini əsas gətirərək Tehrana qarşı digər sahələrdə daha ehtiyatlı mövqe tutublar.
Nyuman əlavə edib ki, İranın regiondakı silahlı qruplaşmalara verdiyi dəstək də artmaqdadır. Onun fikrincə, bu fakt Avropa Birliyinin indiyə qədər yürütdüyü siyasətin yanlış olduğunu açıq şəkildə nümayiş etdirir və Aİ Tehrana qarşı yanaşmasını yenidən nəzərdən keçirməlidir.
