Politico: Qrenlandiya razılaşmasının əsas müəllifi Mark Ruttedir
Qrenlandiya ilə bağlı əldə olunan anlaşmanın əsas müəllifi və bu prosesin əsas uğur sahibi Mark Ruttedir.
Crossmedia.az xəbər verir ki, bu barədə "Politico" nəşri yazıb.
Nəşrin qiymətləndirməsinə görə, NATO-nun baş katibi praqmatik, rasional və effektiv danışıqlar aparmaq bacarığını bir daha nümayiş etdirib. Rutte bütün çətinliklərə baxmayaraq ABŞ Prezidenti Donald Trampla diplomatik təmasları davam etdirib və nəticə əldə etməyə nail olub.
Razılaşmaya əsasən, Qrenlandiya Danimarkanın ərazisi olaraq qalacaq. Bununla yanaşı, ABŞ adada hərbi iştirakını bir neçə dəfə artıracaq. Politico qeyd edir ki, bu model əvvəldən Kopenhagenin təklif etdiyi yanaşmaya uyğun olub.
Analitiklərin fikrincə, Ruttənin vasitəçiliyi NATO daxilində balansın qorunmasına, ABŞ–Avropa münasibətlərində gərginliyin azaldılmasına və Arktika regionunda təhlükəsizlik maraqlarının uzlaşdırılmasına mühüm töhfə verib.
14:48 22.01.2026
Oxunuş sayı: 1231
