Xarici xəbərlər

Rusiya WhatsApp-ı bloklaya bilər — Dövlət Duması

Dövlət Dumasının İnformasiya Siyasəti Komitəsi sədrinin birinci müavini Anton Qorelkin bildirib ki, WhatsApp Rusiyada tamamilə bloklana bilər.

Crossmedia.az bu barədə xarici KİV-ə istinadən xəbər verir. Onun sözlərinə görə, səbəb messencerin Rusiya qanunvericiliyinə əməl etməməsi ola bilər.

Qorelkin əlavə edib ki, WhatsApp-ın sahibi “Meta” (Rusiyada ekstremist kimi tanınıb və qadağan edilib) Roskomnadzorun xəbərdarlığına hələ rəsmi reaksiya verməyib. Deputat messencerin bloklanacağı halda şirkətin bunu yalnız formal bəyanatla izah etməyə çalışacağını deyib.

O həmçinin qeyd edib ki, digər ölkələr də WhatsApp-ın təhlükəsizlik və məlumat sızması ilə bağlı problemləri fonunda oxşar addımlar ata bilərlər.

Nəzrin Abbas

🖨 Çap et

15:40 01.12.2025

Oxunuş sayı: 1134