Zalujnı: Tam qələbə olmadan da sülh mümkün ola bilər
Ukrayna Silahlı Qüvvələrinin keçmiş baş komandanı Valeri Zalujnı Rusiya üzərində “tam qələbə” əldə olunmadan da sülhün mümkün ola biləcəyini bildirib.
Crossmedia.az bu barədə xarici KİV-ə istinadən xəbər verir.
Onun sözlərinə görə, ukraynalılar “Rusiya İmperiyası”nın dağılmasını arzulasa da, müharibədə uzunmüddətli fasilə bu prosesə aparan tarixi üsullardan biri sayıla bilər.
Zalujnı vurğulayıb ki, dünyanın əksər müharibələri tam qələbə ilə bitmir: çox zaman tərəflər ya özlərini qalib hesab edir, ya da qarşılıqlı məğlubiyyət vəziyyəti yaranır.
Nəzrin Abbas
10:10 30.11.2025
Oxunuş sayı: 2193