Xarici xəbərlər
İran "Celcel" adlı yeni HHM sistemini təqdim edib
İran aşağıdan uçan dronlara qarşı mübarizə aparmaq məqsədilə hazırlanmış yeni “Celcel” adlı hava hücumundan müdafiə sistemini nümayiş etdirib.
Crossmedia.az xarici KİV-ə istinadən xəbər verir ki, sistem 350 metr hündürlüyə yüksələn mərmini havada partladaraq geniş parçalanma effekti yaradır və aşağı irtifada uçan pilotsuz uçuş aparatlarını məhv etməyi hədəfləyir.
Məlumata görə, “Celcel” xüsusilə sürətlə artan dron təhdidlərinə qarşı daha çevik və yaxın məsafəli müdafiə imkanları təqdim etmək üçün hazırlanıb. İran rəsmiləri bildiriblər ki, yeni sistem infrastruktur və hərbi obyektlərin qorunmasında əhəmiyyətli rol oynaya bilər.
Rəsmi açıqlamalarda qeyd olunub ki, “Celcel”in tətbiqi ölkənin hava məkanının müdafiəsini gücləndirməyə yönəlib və gələcəkdə sistemin daha da təkmilləşdirilməsi planlaşdırılır.
03:15 30.11.2025
Oxunuş sayı: 7791
