Zəngəzur dəhlizi Türkiyəni qlobal logistika mərkəzinə çevirəcək
Niderlandın “Raben” qrupunun baş direktoru Evald Rabenin fikirlərinə əsasən, Zəngəzur dəhlizinin açılması Türkiyəni bütün Avropa bazarını təmin edəcək iri anbarlara malik qlobal logistika mərkəzinə çevirəcək.
Crossmedia.az xəbər verir ki,Evald Raben fikrincə, hazırda “Raben” şirkətlər qrupu 17 ölkədə fəaliyyət göstərir və 170 anbara malikdir. Şirkətin 2024-cü il üzrə gəliri isə 2,2 milyard avroya çatıb.
O qeyd edib ki, Zəngəzur dəhlizinin istifadəyə verilməsi Türkiyənin logistika sektorunda əsaslı dəyişikliklərə səbəb olacaq:
“Dünyadakı yük axınının dəniz yollarından asılı olan böyük hissəsi Türkiyə üzərindən keçəcək. Əgər çatdırılma müddəti və xərclər baxımından üstünlüklər qalıcı olarsa, Türkiyə bütün Avropanı təmin edən bir ‘anbar mərkəzinə’ çevriləcək. Bu halda biz Türkiyədəki anbar investisiyalarını artıracağıq,” - deyə Raben vurğulayıb.
Şirkət rəhbəri əlavə edib ki, “Raben”in məqsədi Türkiyə ixracatçıları üçün Avropaya açılan “pəncərə” rolunu oynamaqdır.
Nastya Qəniyeva
12:35 20.10.2025
Oxunuş sayı: 1027
