İsa Həbibbəyli: "Özbəkistan Azərbaycanla dost deyil, qardaşdır"
"Prezident İlham Əliyevin türk dünyası ilə əlaqələri prioritet istiqamət kimi müəyyənləşdirdiyi bir vaxtda Özbəkistan universitetlərinin ortaq sərgisi mühüm əhəmiyyətə malikdir".
Crossmedia.az xəbər verir ki, bunu Azərbaycan Milli Elmlər Akademiyasının prezidenti, akademik İsa Həbibbəyli İngla Scool Baku-nun təşkilatçılığı ilə "Özbəkistan ali təhsil müəssisələrinin sərgisində" çıxışında deyib.
O, ikitərəfli əlaqələrin müxtəlif sahələrdə əməkdaşlığına diqqət edib.
İ. Həbibbəyli söyləyib ki, Azərbaycan- Özbəkistan mədəni əlaqələri qədim tarixə malikdir: "İkitərəfli əlaqələr Ulu Öndər Heydər Əliyev dövründə və ondan sonrakı vaxtda sürətli inkişaf edir. Əlaqələrimiz bu gün də müstəsna əhəmiyyətə malikdir. Özbəkistan Azərbaycanla dost deyil, qardaşdır. Bu qardaşlıq hər gün daha da inkişaf edir".
Qeyd edək ki, mayın 3-də İngla School Baku-nun təşkilatçılığı ilə AMEA Mərkəzi Elmi Kitabxanasında Özbəkistan universitetlərinin sərgisi keçirilib. Tədbirin tərəfdaşları Özbəkistan Ali Təhsil Nazirliyi, Özbəkistanın Azərbaycandakı Səfirliyi, AMEA Mərkəzi Elmi Kitabxanası (MEK), Crossmedia.az Analitik informasiya Portalı idi.
Qardaş Özbəkistanın 15-ə qədər nüfuzlu universitetlərindən – STARS Beynəlxalq Universiteti, Jurnalistika və Kütləvi kommunikasiya Universiteti, Milli Tədqiqatlar Universiteti “Daşkənd İrreqasiya və Aqrotexnika Avtomatlaşdırma İnstitutu”, Özbəkistan-Finlandiya Pedaqogika Universiteti, Səmərqənd Dövlət Xarici Dillər Universiteti, Buxara Dövlət Universiteti, Əbu Əli İbni Sina adına Buxara Dövlət Tibb İnstitutu, İslam Kərimov adına Daşkənd Dövlət Texniki Universiteti, Daşkənd Tibb Akademiyası, Vebster Universiteti (Daşkənd), Turin Politexnik Universiteti Daşkənd Filialı, Kokand Pedaqoji Universiteti, Daşkənd Əczaçılıq Universiteti, Daşkənd Dövlət İqtisadiyyat Universiteti olmaqla 40-dan çox nümayəndə sərgiyə qatılıb.
Kənan Novruzov
11:24 03.05.2025
Oxunuş sayı: 18167
