Qazaxıstandakı fəal diaspor nümayəndələri medalla təltif olunublar
"Qazaxıstan Xalqı Assambleyasının 30 illiyi" münasibətilə müxtəlif bölgələrdə keçirilən tədbirlərdə Azərbaycan diasporunun bir sıra fəal nümayəndələri xüsusi mükafata layiq görülüblər.
Bununla bağlı Crossmedia.az-a Diasporla İş üzrə Dövlət Komitəsindən bildirilib.
Karaqandadan "Namus" Etnomədəni Birliyinin sədri Gülağa Rzayevə, Kostanaydan "Birlik" İctimai Birliyinin sədri Rafael Hacıbalayevə, Türküstandan "Qarabağ" Etnomədəni Birliyinin sədri Ramilə Mustafayevaya, Qazaxıstan Azərbaycanlıları Assosiasiyasının (QAA) Almatı şəhər filialının sədri Qəhrəman Sadıyevə, üzvləri Maya Məmmədova, Ceyran Məmmədova, Temirtaudan İntiqam Abişov, QAA-nın sədr müavinləri Allahverdi Məmmədov və Eyvaz Məmmədhəsənova ölkə başçısı, Qazaxıstan Xalqı Assambleyasının sədri Kasım Jomart Tokayevin imzaladığı "Qazaxıstan Xalqı Assambleyasının 30 illiyi" medalı təqdim olunub.
Bu mükafat soydaşlarımızın Qazaxıstanda ictimai-mədəni fəaliyyətlərə verdikləri dəyərli töhfələrin, həmçinin xalqlar arasında dostluq və qarşılıqlı anlaşmanın möhkəmlənməsinə yönəlmiş səylərinin tanınmasıdır.
Soydaşlarımızı təbrik edir, onlara gələcək fəaliyyətlərində uğurlar arzulayırıq.
17:28 22.04.2025
Oxunuş sayı: 14254
