Gündəm,Elm və təhsil

Elm Fondu "İlin Alimi - 2025" müsabiqəsinin nəticələrini ELAN EDİB

Azərbaycan Elm Fondu tərəfindən keçirilmiş «İlin Alimi – 2025» mükafat müsabiqəsi üzrə təqdim olunmuş elmi işlərin qəbul və elmi ekspertiza mərhələsi başa çatmışdır.

Crossmedia.az xəbər verir ki, müsabiqə çərçivəsində təqdim edilmiş elmi işlər Azərbaycan Elm Fondunun daimi və müstəqil ekspertləri tərəfindən beynəlxalq qiymətləndirmə meyarları əsasında obyektiv və şəffaf şəkildə qiymətləndirilmişdir.

Qiymətləndirmənin nəticələrinə əsasən, müsabiqə üzrə maliyyələşdirilməsi və mükafatlandırılması tövsiyə olunan qaliblər aşağıdakı kateqoriyalar üzrə müəyyən edilmişdir:

1. Alim və tədqiqatçılar üzrə nominasiyalar

I yer — Alosmanov Rasim
(Mükafat məbləği: 2500 manat)

II yer — Muxtarov Şəhiyar
(Mükafat məbləği: 2000 manat)

III yer — Hüseynov Elçin

(Mükafat məbləği: 1500 manat)

2. Gənc alim və tədqiqatçılar (35 yaşadək) üçün nominasiyalar

I yer — Qəhramanlı Lalə
(Mükafat məbləği: 1500 manat)

II yer — Haxiyeva Raisə
(Mükafat məbləği: 1000 manat)

III yer — Qüdrətova Fidan
(Mükafat məbləği: 500 manat)

Müsabiqənin qalibləri 2026-cı ilin yanvar ayında keçiriləcək rəsmi təqdimat mərasimində mükafatlandırılacaqlar.

Azərbaycan Elm Fondu müsabiqədə iştirak etmiş bütün alim və tədqiqatçılara təşəkkürünü bildirir və onlara gələcək elmi fəaliyyətlərində uğurlar arzulayır.

🖨 Çap et

09:57 19.01.2026

Oxunuş sayı: 1708