Gündəm
Azərbaycanla Türkiyə bu mövzuda anlaşdı
Azərbaycan ilə Türkiyə arasında reproduktiv tibb sahəsində birgə tədqiqatların aparılması müzakirə edilib
Azərbaycanın səhiyyə naziri Teymur Musayev Türkiyənin Ufuk Universiteti Yol Qəzalarına Yardım Fondunun Prezidenti Recai Pabuççunun başçılıq etdiyi nümayəndə heyəti ilə görüşüb.
Crossmedia.az xəbər verir ki, Səhiyyə Nazirliyinin mətbuat xidmətindən verilən məlumata görə, görüşdə Azərbaycan-Türkiyə qardaşlıq əlaqələri çərçivəsində səhiyyə və beynəlxalq əməkdaşlıq imkanları, elmi-tədqiqat və kadr hazırlığı istiqamətlərində təcrübə mübadiləsi, tibbi reabilitasiya, yol-nəqliyyat hadisələri nəticəsində xəsarət alan şəxslərə göstərilən tibbi xidmətlərin təkmilləşdirilməsi məsələləri müzakirə olunub.
Tərəflər səhiyyə xidmətlərinin keyfiyyətinin artırılması, reabilitasiya və profilaktika sahəsində müasir yanaşmaların tətbiqi, tibb tələbələri və rezidentlər üçün təcübə mübadiləsi proqramlarının təşkili, reproduktiv tibb sahəsində birgə tədqiqatların reallaşdırılması, eləcə də bu istiqamətlərdə müştərək layihələrin həyata keçirilməsi imkanları barədə fikir mübadiləsi aparıblar.
Görüşdə qarşılıqlı maraq doğuran sahələr üzrə əməkdaşlığın davam etdirilməsinin vacibliyi vurğulanıb.
15:48 15.01.2026
Oxunuş sayı: 2259
