Azərbaycan Türkiyə, Pakistan və Səudiyyənin də olduğu yeni hərbi alyansa qoşula bilər
Türkiyə Pakistan–Səudiyyə Ərəbistanı hərbi alyansına qoşulmağa hazırlaşır. Türkiyənin alyansa qoşulması ehtimalı fonunda onun genişlənməsi sürətlənə bilər.
Crossmedia.az “Türkiyənin Səsi” portalına istinadən xəbər verir ki, potensial üzvlər sırasında Qətər və Azərbaycan da yer alır.
Digər mümkün iştirakçılar arasında İndoneziya və Malayziya göstərilir. Onlar Türkiyənin hərbi-siyasi əməkdaşlıq qurduğu ölkələrdir.
Qeyd olunur ki, formalaşmaqda olan alyans Türkiyə üçün indiki NATO-dan daha önəmli ola bilər, çünki NATO-da daxili parçalanma əlamətləri görünür.
Xatırladaq ki, Ər-Riyad və İslamabad arasında imzalanmış saziş kollektiv müdafiə prinsipini nəzərdə tutur: alyansın bir üzvünə qarşı hər hansı təcavüz bütün üzvlərə qarşı hücum kimi qiymətləndirilir.
Qeyd edək ki, Pakistanın nüvə arsenalı 2025-ci il üçün təxminən 170 nüvə başlığı səviyyəsində qiymətləndirilir.
18:50 14.01.2026
Oxunuş sayı: 1207
