Keçmiş deputatlar haradadırlar, nə edirlər? - İşsiz olanı da var, nəhəng şirkətlərlə əməkdaşlıq edəni də...
İctimai - siyasi şəxslərin fəaliyyəti həmişə cəmiyyət üçün maraqlı olub. Milli Məclisin keçmiş deputatları isə belə personalar arasında xüsusilə seçilib. Onlardan bəziləri vaxtı ilə qanunverici orqanda ciddi təşəbbüslərlə çıxış edib, tənqidləri, bəzən də odlu - alovlu çıxışları lə fərqləniblər. Bəziləri isə mandatları dövründə nə danışıb, nə də diniblər. Eləcə gəlib, dinləyib gəliblər. Aralarında siyasi fəaliyyətlərindən daha çox şəxsi həyatları ilə gündəmə gələnlər də var.
Maraqlıdır, bəs keçmiş parlamentarilər bu gün nə edirlər?
Crossmedia.az olaraq bu barədə bir neçə keçmiş millət vəkilinin fikirlərini öyrəndik.
Rüfət Quliyev, Milli Məclisin III, IV, V, VI çağırış deputatı:
“Hazırda Azərbaycan Dövlət İqtisad Universitetində professor vəzifəsində çalışıram. Bildiyiniz kimi, iqtisad elmlər doktoruyam. Keçmişdən qalan bəzi biznes layihələrim var ki, onlar üzərində işləyirəm. İqtisadi proqramlarım var, "CBC Azərbaycan”da “Sahibkar saatı” və "Dünya iqtisadiyyatı və Azərbaycan" layihəsini davam etdirirəm. Çox hörmətli "Crossmedia.az"-da Dünya iqtisadiyyatının problemləri və onun Azərbaycan iqtisadiyyatına təsiri brədə həftədə bir dəfə bir proqnozlarımı verirəm. Bir neçə nəhəng kompaniyada da konsultant kimi fəaliyyət göstərirəm. Xaricdən tez-tez nəvəm gəlir, bu da mənim üçün həyatın mənasıdır”.
Kamilə Əliyeva, Milli Məclisin IV, V, VI çağırış deputatı:
“Hazırda Bakı Dövlət Universitetinin Genetika kafedrasının müdiri kimi fəaliyyət göstərirəm”.
Fəzail Ağamalı, Milli Məclisin I, II, III, IV, V, VI çağırış deputatı:
“Hazırda istirahət edirəm, heç bir işim yoxdur”.
Sabir Rüstəmxanlı, Milli Məclisin I, II, III, IV, VI çağırış deputatı:
“Mən bir Xalq şairiyəm, yazıçıyam, qələm adamıyam. Deputatlığa qədər hansı işlə məşğul oldumsa, indi də o işlə məşğulam. Bundan əlavə, siyasi fəaliyyətimi Vətəndaş Həmrəyliyi partiyasının sədri olaraq davam etdirirəm”.
Ayhan
11:54 14.01.2026
Oxunuş sayı: 1254
