Dünya şöhrətli azərbaycanlı alim İlham Əliyevə təşəkkür etdi
Azərbaycan Respublikasının prezidenti İlham Əliyev xalqlar arasında dostluğun möhkəmləndirilməsi və Azərbaycan diasporunun inkişafı sahəsində xidmətlərinə görə bir sıra şəxsləri təltif edib. Təltif edilən şəxslərdən bir qismi Dünya Azərbaycanlı Alimlər Birliyinin üzvləridir. Diaspora fəaliyyətindəki aktivliklərinə görə təltif edilən şəxslər çox böyük sevinc içərisindədir və bu təltiflər həmin şəxslərə böyük motivasiya olub. Bu münasibətlə Dünya Azərbaycanlı Alimlər Birliyinin (DAAB) sədri, professor, əməkdar elm xadimi, Humboldt mükafatı almış ilk azərbaycanlı alim Məsud Əfəndiyev prezident İlham Əliyevə təşəkkür məktubu ünvanlayıb.
Crossmedia.az məktubu təqdim edir:
"Möhtərəm Prezident, cənab İlham Əliyev!
Sizin 7 yanvar 2026-ci il tarixində Azərbaycan diasporunun inkişafında xidmətlərinə görə bir qrup şəxsin təltif edilməsi haqqında verdiyiniz Sərəncamla DAAB üzvlərinin təltif olunmasını görmək bizi çox sevindirdi. Bu şəxslərin arasında Dünya Azərbaycanlı Alimlər Birliyinin üzvlərindən Aşina Məsud Rüstəm oğlunu ”Şöhrət” ordeni ilə və Alferdov Akif Qədir oğlu, Kələntər Xəlil Əliməmməd oğlu, Sıracov Bəxtiyar Tahir oğlu və Zeynalova Xədicə Əbdülrəhim qızını "Tərəqqi” medalı ilə təltif etməyiniz bizim üçün böyük şərəf və qürur mənbəyidir. Xalqlar arasında dostluğun möhkəmləndirilməsi və Azərbaycan diasporunun inkişafı sahəsində xidmətlərinə görə bu ali mükafata layiq görülmək xaricdə yaşayan elm xadimlərimizin, tibb, texnika və musiqi sahəsində fəaliyyət göstərən alimlərimizin və incəsənət xadimlərimizin fəaliyyətinə verilən yüksək dəyərin göstəricisidir! Sizin bu təltifiniz bizim gələcək fəaliyyətimiz üçün daha böyük məsuliyyət yaradır. Möhtərəm Cənab Prezident! Xaricdə yaşayan elm xadimlərimizə, elm və təhsil həmçinin tibb və musiqi sahəsində fəaliyyət göstərən alimlərimizə bu etimadı göstərdiyinizə görə Sizə dərin təşəkkürümüzü və minnətdarlığımızı bildiririk. DAAB alimləri hər zaman Azərbaycanın şöhrətini uca tutmuşlar, Azərbaycanın tərəqqisi üçün əzmlə çalışmışlar və bundan sonra da Azərbaycanın Respublikasının tərəqqisi yolunda əllərindən gələni edəcəklər.
Təltif olunan alimlərimiz dünyanın müxtəlif elm, tibb və mədəniyyət ocaqlarında Azərbaycanı yüsək səviyyədə təmsil etmişləridir, eyni zamanda onlar dövlətimizə və dövlətçilimizə sadiq qalaraq şərəflə xidmət etmişlərdir.
Möhtərəm Prezident! Bir daha Sizə dərin təşəkkürümüz bildiririk və Sizə çətin və şərəfli işinizdə uğurlar diləyirik!"
17:15 11.01.2026
Oxunuş sayı: 4044
