Bu təltif 70 illiyimə verilən ən böyük qiymətdir - Anar İsgəndərov
Bu gün cənab Prezident İlham Əliyevin sərəncamına əsasən, tarixçi, professor, Milli Məclisin Elm və Təhsil komitəsinin sədri Anar İskəndərov Azərbaycan Respublikasının ictimai-siyasi həyatında səmərəli fəaliyyətinə görə "Şöhrət" ordeni ilə təltif edilib.
Anar İsgəndərov təltif edilməsi ilə bağlı təəssüratlarını Crossmedia.az-la bölüşüb:
"Azərbaycan Respublikasının prezidenti tərəfindən "Şöhrət" ordeni ilə təltif olunmağım 70 illiyimə verilən ən böyük qiymətdir. Yəni qalib Azərbaycanın, qalib dövlət başçısından, Qarabağın fatehindən belə bir ordenə layiq görülməyim mənim üçün, ailəm üçün və rəhbərlik etdiyim kollektiv üçün çox böyük hadisədir. Vaxtilə, yəni 44 Günlük Vətən Müharibəsindən əvvəl, dünyanın müxtəlif konfranslarında iştirak edərkən, qalib bir tarixçi kimi öz fikirlərimi çatdıra bilmirdim. Çünki biz qalib deyildik. Amma 44 Günlük Vətən Müharibəsindən sonra dünyanın harasında olur olsun qalib Azərbaycanın sözünü çatdırmaq çox rahatdır, şərəfdir. Və bir tarixçi olaraq bu şərəfdən məndə istifadə edirəm. Fürsətdən istifadə edib Azərbaycanın dövlət başçısına, Ali Baş Komandana öz təşəkkürlərimi bildirirəm".
Ayhan
21:41 09.01.2026
Oxunuş sayı: 1724
