Ermənistan və Azərbaycan arasında bu mövzuda danışıqlar aparılır
Ermənistan və Azərbaycan gələcəkdə bir sıra məhsulların ixracı imkanlarını müzakirə edirlər.
Crossmedia.az xəbər verir ki, bu barədə Ermənistanın iqtisadiyyat naziri Gevorg Papoyan bildirib.
Nazirin sözlərinə görə, tərəflər arasında potensial olaraq alüminium folqa, alüminium folqa üçün xammal, ferromolibden, ev heyvanları, konyak xammalı, tütün və tekstil məhsulları kimi məhsulların ixracı imkanları müzakirə olunur.
“Azərbaycan tərəfi müəyyən məhsullara maraq göstərib. Onlar maraqlandıqları məhsulların siyahısını təqdim ediblər, biz isə ixrac edə biləcəyimiz həcm barədə məlumat verdik. Bizim siyahımızda həmçinin gül kolları, istixana məhsulları – pomidor və bibər də var”, – deyə G. Papoyan əlavə edib.
Fatimə Məmmədova
18:40 09.01.2026
Oxunuş sayı: 1630
