Sumqayıtda baş verən partlayış nəticəsində xəsarət alan şəxsin son durumu açıqlanıb - SORĞU
Sumqayıtda baş verən partlayış nəticəsində xəsarət alan şəxsin son durumu açıqlanıb.
Bu barədə Crossmedia.az-ın sorğusuna cavab olaraq Tibbi Ərazi Bölmələri İdarəetmə Birliyindən (TƏBİB) bildirilib.
Qeyd olunub ki, xəsarət alan şəxs Nərimanov Tibbi Mərkəzinin Yanıq Mərkəzinə təxliyə olunub.
Məlumata əsasən yanvarın 9-da saat 00:10 radələrində Sumqayıt Tibb Mərkəzinin 2 nömrəli Şəhər Xəstəxanasına 1994-cü il təvəllüdlü şəxs (kişi) hospitalizasiya olunub və göz almasının dağılımına və tamlığının pozulmasına gətirib çıxaran termiki yanıq diaqnozu təyin edilən pasiyentə Təcili tibbi yardım şöbəsində ilkin tibbi xidmət göstərilib. Daha ixtisaslı tibbi xidmət almaq üçün xəstə Nərimanov Tibb Mərkəzinin nəzdindəki Yanıq Mərkəzinə təxliyə olunub.
Belə ki, Sumqayıt şəhər sakini, 1994-cü il təvəllüdlü Elməddin Səxavət oğlu Qurbanov operator işlədiyi zavodda borunun partlaması nəticəsində termiki yanıq xəsarətləri alıb.
Hazırda faktla bağlı araşdırma aparılır.
Elmir Heydərli
11:19 09.01.2026
Oxunuş sayı: 1877
