Bakı və Kiyev hərəkətə keçdi, əlaqələr güclənir- Məmmədyarov detalları açıqladı
Azərbaycan ilə Ukrayna arasında regionlararası əməkdaşlığın inkişafı və möhkəmləndirilməsi istiqamətində səylər davam edir. İki ölkə arasında siyasi, iqtisadi və humanitar sahələrdə mövcud tərəfdaşlıq əlaqələrinin daha da dərinləşdirilməsi məqsədilə regionlar səviyyəsində birbaşa təmasların genişləndirilməsi xüsusi əhəmiyyət daşıyır.
Bu kontekstdə qarşılıqlı səfərlər və yerli icra strukturları arasında qurulan dialoq regional əməkdaşlığın yeni mərhələyə keçməsinə zəmin yaradır. Azərbaycanın və Ukraynanın regionlararası əlaqələrə marağı, tərəflər arasında praktik əməkdaşlığın genişləndirilməsi və qarşılıqlı faydalı layihələrin reallaşdırılması baxımından mühüm imkanlar açır.
Ukraynanın Bakıdakı səfiri Yuri Qusev bildirib ki, Azərbaycan və Ukrayna regionlararası əməkdaşlığın genişləndirilməsində maraqlıdır.
Bakı ilə Kiyev arasında münasibətlərin cari vəziyyəti və perspektivi barədə keçmiş xarici işlər naziri Elmar Məmmədyarov Crossmedia.az-a danışıb: "Azərbaycanla Ukrayna arasında müstəqilliyin əldə olunmasından sonra əlaqələr daha da intensivləşib. Həm Kiyev, həm də Bakı bu sahədə aktivdir. Siz də bilirsiniz ki, iqtisadi, siyasi və mədəni sahələrdə Azərbaycanla Ukrayna arasında əlaqələr kifayət qədər sıxdır. Ona görə də bu istiqamətdə işlərin davam etdiriləcəyini gözləmək olar".
Elmir Heydərli
16:06 08.01.2026
Oxunuş sayı: 1604
