Ermənistanın əsas problemi Bakı deyil, Vaşinqtondur
Qüds Strategiya və Təhlükəsizlik İnstitutunun (JISS) analitiki Mixail Borodkin Ermənistan–İsrail münasibətləri və ABŞ-dəki erməni lobbisinin rolu ilə bağlı məqalə ilə çıxış edib.
Crossmedia.az İsrailin "The Times of Israel"-ə istinadən xəbər verir ki, Ermənistan hökumətinin Qərb və İsraillə praqmatik münasibətlər qurmaq cəhdləri əsasən ABŞ-də fəaliyyət göstərən Erməni Milli Komitəsi (ANCA) tərəfindən əngəllənir.
Borodkin fikrincə, hazırda İrəvan üçün əsas çağırış Bakı deyil, Vaşinqtondur və hökumətlə diaspora arasındakı ziddiyyət ölkənin diplomatik manevr imkanlarını məhdudlaşdırır.
Borodkin vurğulayıb ki, Ermənistan 2025-ci ilin sonlarında İsraillə yaxınlaşma istiqamətində addımlar atsa da, ANCA bu prosesi ideoloji mübarizə predmetinə çevirir. Analitik hesab edir ki, diasporun bu cür fəaliyyəti İrəvanın İsraillə münasibətləri yaxşılaşdırmaq səylərinə zərər vurur və ölkəni strateji təcrid riski ilə üz-üzə qoyur.
Türkan Kərimli
15:27 05.01.2026
Oxunuş sayı: 3657
