Moskvada Azərbaycan və Rusiya ziyalılarının görüşü keçirilib
Moskvada Azərbaycan və Rusiya ziyalılarının nümayəndələrinin iştirakı ilə görüş təşkil olunub. Tədbir Azərbaycanın Rusiyadakı səfirliyinin təşəbbüsü ilə Dünya azərbaycanlılarının həmrəyliyi günü və Yeni il ərəfəsində baş tutub.
Bu barədə Crossmedia.az xəbər verir.
Görüşdə Moskvanın aparıcı ali təhsil müəssisələrinin alim və müəllimləri, mədəniyyət xadimləri, teatr, kino, incəsənət və digər sahələrin nümayəndələri iştirak ediblər.
Azərbaycanın Rusiyadakı səfiri Rəhman Mustafayev çıxışında qeyd edib ki, başa çatmaqda olan il Azərbaycan–Rusiya münasibətləri baxımından mürəkkəb olub. O, bu çətinliklərin səbəbləri sırasında AZAL aviaşirkətinə məxsus təyyarə ilə bağlı baş verən faciəni də xatırladıb.
Bununla yanaşı, səfir vurğulayıb ki, mövcud çətinliklərə baxmayaraq, iki ölkə arasında iqtisadi və humanitar əməkdaşlıq il ərzində inkişafını davam etdirib.
Türkanə Məşədiyeva
18:40 28.12.2025
Oxunuş sayı: 981
