Belqorodda Ukrayna dron hücumları: bir nəfər yaralandı
Belqorod vilayətinin Volokonovski rayonunda Ukraynaya məxsus FPV tipli pilotsuz uçuş aparatı minik avtomobilinə zərbə endirib. Vilayət qubernatoru Vyaçeslav Qladkovın sözlərinə görə, hücum nəticəsində sürücü baş, çiyin və kürək nahiyələrindən qəlpə yaraları alaraq xəstəxanaya yerləşdirilib.
Crossmedia.az bu barədə xarici KİV-ə istinadən xəbər verir.
Qubernator əlavə edib ki, həkimlər yaralıya bütün zəruri tibbi yardımı göstərirlər.
Qladkov həmçinin bildirib ki, Ukrayna Silahlı Qüvvələrinin hücumları nəticəsində Qrayvoron rayonunda üç avtomobilə, Qora-Podol kəndi və Qrayvoron–Kozinka yolunda isə daha bir nəqliyyat vasitəsinə ziyan dəyib.
Bundan əvvəl Şebekino rayonunun Belyanka kəndində dron hücumu nəticəsində iki nəfər, Borisovka kəndində isə daha bir nəfər yaralanıb. Bryansk vilayətində də analoji insident zamanı bir mülki şəxs xəsarət alıb.
22:50 04.12.2025
Oxunuş sayı: 975
